大公產品

首页 > 新闻 > 正文

天價口罩戴不起 基層開工搵命搏

時間:2020-02-14 04:23:14來源:大公報

  圖:做小販的岑伯拿起一盒口罩看了良久,覺得太貴,最後還是放下來了大公報記者攝

  【大公報訊】記者伍軒沛報道:市面幾乎間間藥房都有口罩出售,但價錢動輒數百元,並非人人買得起。有街頭檔販表示,暴亂未完,又遭新冠肺炎來襲,開檔三日賺的錢,都不夠買一盒口罩,疫情嚴峻,也無奈放棄戴罩,「屋企得十幾個口罩,三個人用,我留畀阿仔同老婆啦!」另有檔販批評,藥房趁火打劫,「簡直係趁你病,攞你命!基層市民邊度賣得起天價口罩?」他們希望政府規管口罩售價。

  「點解無人鬧藥房?」

  天下着微雨,在佐敦寶靈街開設衣服檔的全哥,在檔前收拾貨物,他不像其他檔販般戴上口罩,「屋企只得十幾個口罩,三個人用邊度夠?我唯有博好彩唔中招囉。」

  全哥形容,暴亂以後又遇肺炎,連回氣的機會也沒有,加上封關無遊客,檔口生意一落千丈,「街邊一盒口罩就賣500蚊,我三日唔計食飯錢,先賺到700蚊,點買得起?」他稱老婆與兒子多次排隊買「良心價」口罩,但都空手而回。

  「有啲人通宵排隊,就係為咗個口罩,點解香港會變成咁?個個就怨政府,其實真係無口罩咩?周街都有,分別在你有無錢買啫!點解無人鬧藥房?而家唔係一、兩倍價錢,有啲貴十倍啊!」家中口罩短缺,全哥苦笑道,「真係無(口罩時),唯有去捱貴罩,唔通全家唔出門咩?」

  大公報記者與79歲的寶靈街檔販岑伯一起走訪佐敦、尖沙咀一帶藥房,口罩售價由300元至近500元,部分口罩的出產地不明,但就標售300元高價,岑伯拿着一盒口罩看了良久,最後還是放下來,「其實大部分人都好似我咁,真係想買,但價錢實在太貴,買唔落手,唯有又放返低。」

  促政府監管口罩售價

  在寶靈街賣泳衣的岑伯伯說,公共泳池全部關閉,他的泳衣檔無生意,一日只賺70元,一個月只有2000元,買一盒口罩,便要用一星期的收入,「而家係全城齊心抗疫嘅時候,藥房卻趁火打劫,趁病攞命,政府一定要監管口罩售價,唔可以畀佢哋咁樣炒賣。」

  他希望政府開倉,讓真正有需要的人獲派口罩使用。

最新要聞

最新要聞

最受歡迎